Josue 15:17 - Maung A Balita Biblia

¹⁷ Si Otniel, a lakin anak nen Kenaz a lakin agi nen Caleb, so akadakep ed samay siudad, kanyan impaasawa nen Caleb ed sikato si Acsa ya anak to.

Maung a Balita Biblia

¹⁷ Si Otniel, a lakin anak nen Kenaz a lakin agi nen Caleb, so akadakep ed samay siudad, kanyan impaasawa nen Caleb ed sikato si Acsa ya anak to.

Josue 15:17 Referans Kwoze

Saray Huis 3:9

Insan tinmawag ed Katawan iray Israelita, et angibaki na sakey a lakin angilaban ed sikara. Sayan laki et si Otniel ya anak nen Kenaz a yogtan nen Caleb.

Saray Huis 1:13

Si Otniel, say anak na lakin yogtan nen Caleb a si Cenaz, so akadakep ed samay siudad, kanyan impaasawa nen Caleb ed sikato si Acsa a marikit to.

Saray Huis 3:11

Nanoley so kareenan ed Israel na apataploy taon, insan inatey si Otniel.

Josue 14:6

Aminsan ya agew wala ray totoon kabyangan na tribu nen Juda a linma rad kinen Josue diad Gilgal. Say sakey ed sikara a si Caleb, say lakin anak nen Jefone a Cenizeo, kuantod kinen Josue, “Amtam so imbaga na Katawan diad Cades-barnea ed kinen Moises a too na Dios nipaakar ed sika tan siak.

1 Saray Awaran 2:49

Nananak ni lamet si Maaca na duaran lalaki: si Saaf ya angiletneg na baley na Madmana, tan si Seva ya angiletneg na saray baley na Macbena tan Giba. Si Caleb wala niy anak ton bii a manngaray Acsa.

Saray Bilang 32:12

Apibiang ran amin likud ed kinen Caleb a lakin anak nen Jefone a Cineo tan si Josue a lakin anak nen Nun ta nansiansia ran matoor ed Katawan.

Josue 15:16

Inkuanen Caleb, “Paasawak si anak kon Acsa ed lakin makadakep ed Kiryat-sefer.”

1 Saray Awaran 4:13

Duaray lalakin anak nen Kenaz: di Otniel tan Seraya. Duara met so lalakin anak nen Otniel: di Hatat tan Meonotai.