Josue 13:7 - Maung A Balita Biblia

⁷ Natan sirin, apag-apag mo yan dalin a kayaryanen na saray siamiran tribu tan say kapalduan tribu nen Manases.”

Maung a Balita Biblia

⁷ Natan sirin, apag-apag mo yan dalin a kayaryanen na saray siamiran tribu tan say kapalduan tribu nen Manases.

Josue 13:7 Referans Kwoze

Saray Bilang 33:54

Apag yod saray tribu tan saray boleg so dalin diad panamegley na pampapalaranan; iter yod baleg a boleg so baleg a dalin tan diad melag a boleg so melag met a dalin.

Josue 13:6

Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.

Josue 13:8

Saray tribu di Ruben tan Gad tan say kapalduan tribu nen Manases et naawat da lay dalin ya inter ed sikara nen Moises ya aripen na Katawan; say dalin da et walad nibokig na Ilog na Jordan.

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Saray Salmo 105:44

Inter tod sikaray dalin na saray taga arum a bansa tan impakayaryan tod sikara so kaalogan da,

Ezekiel 45:1

No apag-apagen so dalin tan iter ed balang tribu so betang to, say sakey a parti et nepeg ya isaklang ed Katawan. Nepeg a labinduan kilomitro so karokey to, tan samploran kilomitro so kaawang to. Magmaliw a masanto yan intiron pasen.

Saray Bilang 34:13

Kanyan inkuanen Moises ed saray Israelita, “Sikato ya so dalin a kayaryanen yo diad panamegley na pampapalaranan yo, say dalin ya impabetang na Katawan ed saray siamira tan kapalduan tribu.

Josue 14:2

Onung na ingganggan na Katawan ed kinen Moises, niiter so betang na balang sakey a tribu ed saray siamira tan kapalduan tribu na Israel diad panamegley na pampapalaranan.