Josue 13:6 - Maung A Balita Biblia

⁶ Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.

Maung a Balita Biblia

⁶ Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.

Josue 13:6 Referans Kwoze

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Josue 23:13

andiduaruwan ag la ra pabatiken na Katawan a Dios yo legan yon lolooban iray dalin da. Ingen, magmaliw iran singa patit o kalut ed sikayo odino singa ra ansakit a bakbak ed beneg yo odino sabit ed mata yo. Et mansiansia yan anggad anggapoy nakeraan ed sikayo ed sayan maung a dalin ya inter ed sikayo na Katawan a Dios yo.

Josue 23:4

Impabetang ko lad saray tribu yo so dalin na saray akeraan nin bansa; tan amin da ray bansan dinadakep ko la, manlapud Ilog na Jordan diad bokig ya anggad Dayat na Mediteraneo diad sagur.

Saray Bilang 33:54

Apag yod saray tribu tan saray boleg so dalin diad panamegley na pampapalaranan; iter yod baleg a boleg so baleg a dalin tan diad melag a boleg so melag met a dalin.

Josue 13:7

Natan sirin, apag-apag mo yan dalin a kayaryanen na saray siamiran tribu tan say kapalduan tribu nen Manases.”

Saray Salmo 80:8

Impaway mod Egipto so sakey a wakal na ubas; pinataynan mo ray arum a bansa, insan mo intanem ed dalin da.

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Josue 11:12

Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Josue 23:5

Say Katawan a Dios yo et pabatiken to ra legan yon lolooban iray dalin da. Nakayaryan yoy dalin da onung na insipan ed sikayo na Katawan a Dios yo.