Josue 13:13 - Maung A Balita Biblia

¹³ Balet saray Israelita ag da pinataynan iray totood Gesur tan Maaca; manaayam ni rad Israel ya anggad natan.

Maung a Balita Biblia

¹³ Balet saray Israelita ag da pinataynan iray totood Gesur tan Maaca; manaayam ni rad Israel ya anggad natan.

Josue 13:13 Referans Kwoze

Josue 13:11

Sakop to met so Galaad, saray dalin na Gesur tan Maaca, say intiron Palandey na Hermon, tan say intiron dalin na Basan ya anggad Saleca.

Saray Bilang 33:55

Balet no ag yo pataynanen iray manaayam diman, saray akeraan et mangiter irad sikayo na gunigon a singa tenek ed mata yo tan sakit ed diking yo, tan labanan da kayo.

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

Deuteronomio 3:14

Si Jair a kabyangan na tribu nen Manases et inala ton kayaryan so intiron dalin na Argob, a salanti say Basan, ya anggad ketegan na Gesur tan Maaca. Inngaran tod sikaton dili iray bario, tan anggad natan atawag ni ra a bario nen Jair.)

Josue 12:5

Sakop na nanarian to so Palandey na Hermon, Saleca, tan intiron Basan ya anggad saray ketegan na Gesur tan Maaca; sakop to met so kapaldua na Galaad ya anggad ketegan na nanarian nen Ari Sehon na Hesbon.

Josue 13:12

Sakop to met ni so nanarian nen Og, say kaonuran ed saray Refaim, tan nanoley ed Astarot tan Edrei. Tinalo nen Moises ira yan totoo tan pinataynan to ra.

Josue 13:14

Si Moises ag to initdan na dalin so tribu nen Levi. Onung na imbaga na Katawan ed kinen Moises, say betang na saray Levita et say apag da ed saray bagat a popoolan ed altar na Katawan a Dios na Israel.

1 Samuel 27:8

Diad legan to yan panaon, si David tan saray totoo to et dinodogpaan da ray totood Gesur, Girzi, tan Amalek, ya abayag la ran manaayam ed sarayan lugar. Dinodogpaan to ra lugar ya anggad Sur, tan anggad Egipto,

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.