Josue 12:8 - Maung A Balita Biblia

⁸ Sayan parti na dalin et sakopen to ray kapokdulan a pasen, saray alusadsar ed sagur, say Patar na Jordan tan saray alusadsar to, saray palasur ed bokig, tan say ampetang a pasen ed abalaten. Sarayan pasen et nanayaman ira na saray Heteo, saray Amorreo, saray Cananeo, saray Perezeo, saray Heveo, tan saray Jebuseo.

Maung a Balita Biblia

⁸ Sayan parti na dalin et sakopen to ray kapokdulan a pasen, saray alusadsar ed sagur, say Patar na Jordan tan saray alusadsar to, saray palasur ed bokig, tan say ampetang a pasen ed abalaten. Sarayan pasen et nanayaman ira na saray Heteo, saray Amorreo, saray Cananeo, saray Perezeo, saray Heveo, tan saray Jebuseo.

Josue 12:8 Referans Kwoze

Josue 11:16

Adakep nen Josue iray amin a dalin—saray kapokdulan tan saray alusadsar diad baybay tan diad abalaten, say intiron dalin ed Gosen tan diad ampetang iran pasen ed niabalaten to, ontan met ed Patar na Jordan.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Exodo 23:23

Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Genesis 10:17

Heveo, Arkeo, Sineo,

Genesis 12:9

Manlapud man, tinmonda-tondan nanaayam ed nandoroman pasen ya anggad akasabid bandad abalaten a parti na Canaan.

Genesis 13:7

Lapud saya mabetbet so siblangan da ray pumapastol nen Abram tan saray pumapastol nen Lot. (Diad saman a panaon, manaayam nid man iray Cananeo tan saray Perezeo.)

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Saray Huis 1:9

Kayari to ya, linma ran akibakal ed saray Cananeon manaayam ed kapokdulan a bario, diad saray alusadsar na pokdul, tan diad saray patar ed abalaten