Josue 12:1 - Maung A Balita Biblia

¹ Adakep tan panaayaman la na saray totood Israel so dalin a nibokig na Jordan, manlapud Patar na Arnon ya anggad Patar na Jordan tan diad Palandey na Hermon diad baybay. Duaran arari so tinalo ra.

Maung a Balita Biblia

¹ Adakep tan panaayaman la na saray totood Israel so dalin a nibokig na Jordan, manlapud Patar na Arnon ya anggad Patar na Jordan tan diad Palandey na Hermon diad baybay. Duaran arari so tinalo ra.

Josue 12:1 Referans Kwoze

Saray Huis 11:18

Insan bineltang da so kalawakan; sinmaliberber ira ed dalin na Edom tan samay dalin na Moab ya anggad akasabi ra ed nibokig na Moab, diad basil na Ilog na Arnon. Nankampo rad man, balet ag da bineltang so Arnon, lapud ketegan iman na Moab.

Josue 1:15

anggad nasakop day dalin a sagur na Jordan, say dalin ya inter ed sikara na Katawan a Dios yo. No nilira to la ran maligen iray amin a tribu na Israel, ompawil kayo lad satan dia tan manayam kayo lad dalin yod bokig na Jordan ya inter ed sikayo nen Moises ya aripen na Katawan.”

Saray Bilang 21:24

Balet saray Israelita apatey da ray amayamay a kalaban da tan nanayaman day dalin da manlapud Ilog na Arnon ya anggad Jabok a kawalaan da ray Amonita lapud mabiskeg so ketegen da.

Saray Bilang 21:13

Manlapud man inmalis ira lamet tan nankampo ra ed baybay a dapag na Ilog na Arnon, diad kalawakan a nasabi toy dalin da ray Amorreo. (Say arnon et ketegan da ray Moabita tan saray Amorreo.)

Isaias 16:2

Manaalagar irad gilig na Ilog na Arnon, onsulong, ompawil iran anggapoy getma, a singa ra saray manok ya asibwak ed obung da.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Josue 11:17

Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.

Josue 11:3

Nampabakian to met iray Cananeon manaayam ed duaran dapag na Jordan, saray Amorreo, saray Heteo, saray Pereseo, tan saray Jebuseo a wala rad kapokdulan a pasen, ontan met ed saray Heveo a manaayam irad alusadsar na Palandey na Hermon diad dalin na Mizpa.

Deuteronomio 4:48

Sayan dalin et manlapud baley na Aroer diad gilig na Ilog na Arnon, tan mamaarap ed baybay ya anggad Palandey na Sirion, salanti say Palandey na Hermon.

Deuteronomio 2:24

“Kalabas tayod dalin na Moab, say Katawan inkuantod sikatayo, ‘Natan, ituloy yoy kurang yo tan baliw yoy Ilog na Arnon. Ipasilong kod pakayari yo si Sehon ya ari da ray Amorreo a manooley ed Hesbon, tan say dalin to. Dogpaan yo, tan igapo yon panayaman so dalin to.

Saray Bilang 32:19

Ag kami la mangayaryan na antokaman ed nibaliw na Jordan, lapud naawat mi la so betang mi dia ed bokig na Jordan.”

Saray Bilang 32:33

Kanyan si Moises impabetang tod saray tribu di Gad tan Ruben tan say kapaldua na tribu nen Manases iray amin a dalin nen Sehon ya ari da ray Amorreo tan si Og ya ari na Basan, pati saray baley tan bario ed kaliber-liber da.

Josue 13:8

Saray tribu di Ruben tan Gad tan say kapalduan tribu nen Manases et naawat da lay dalin ya inter ed sikara nen Moises ya aripen na Katawan; say dalin da et walad nibokig na Ilog na Jordan.

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Saray Salmo 136:21

Inter to ray dalin da ed saray totoo to; andi-anggaan so panangaro to;

Saray Bilang 21:21

Insan saray totood Israel angibaki ra na pigaran totoo ed ari na saray Amorreo a si Sehon tan impaikuanda:

Saray Bilang 32:32

Diad panangipangulo to ombaliw kami ya anggad dalin na Canaan ta mibakal kami, pian napansiansia mi so kayaryan mi diad bokig na Jordan.”

Deuteronomio 2:32

Sinmabiy Sehon tan amin da ray totoo to tan nilabanan da itayo diad asingger ed baley na Jahaz,

Deuteronomio 3:1

“Insan tayo nampabaybay tan intuloy tayoy kurang tayo ya anggad dalin na Basan, et pinmaway si Ari Og a pati saray amin a totoo to a mibakal ed sikatayo diad asingger ed baley na Edrei.

Deuteronomio 4:44

Inter nen Moises ed saray totood Israel iray ganggan tan saray bangat na Dios.

1 Saray Arari 4:19

Geber a lakin anak nen Uri: say dalin na Galaad a nanoleyan nen Sehon ya ari na saray Amorreo tan si Ari Og na Basan Likud ed sarayan labindua, walay sakey a gobirnador na intiron bansa na Israel.