Josue 11:6 - Maung A Balita Biblia

⁶ Say Katawan kuantod kinen Josue, “Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.”

Maung a Balita Biblia

⁶ Say Katawan kuantod kinen Josue, Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.

Josue 11:6 Referans Kwoze

Josue 10:8

Inkuan na Katawan ed kinen Josue, “Ag kayo ontatakot ed sikara; impanalo ta kayo lad sikara. Anggapod sikaray nayarin onlaban ed sikayo.”

2 Samuel 8:4

Adakep nen David so sanlibo tan piton lasus a kumakabayo to tan duamplon libon arum a sondalo to. Angikera na saray kabayon para sanlasus a karwahi, insan to nilolopuy iray arum.

1 Samuel 11:9

Imbaga rad saramay nibakin nanlapud Jabes, “Ibaga yod saray kabandaan yo a no onkakaaguan nabwas, niagel kayo.” Akaliket a maung iray taga Jabes nen nadngel day balita,

Josue 11:9

Ginawa nen Josue ed sikara so onung na ingganggan na Katawan; nilolopuy to ray kabayo ra tan pinopoolan to ray karwahi ra.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 30:16

Ingen, plano yon ibatikan iray kalaban yo diad ikabayo yod saray mabatik a kabayo. Kanyan say ibatik yo so pilalek yon gawaen. Abaloan yon mabatik la ray kabayo yo, balet mabatik ni ray kabayo na onosil ed sikayo!

Probirbio 20:7

Mapalar iray anak a say ama ra et matwa tan gagawaen toy kaptekan.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

2 Saray Awaran 20:16

Dogpaan yo ra nabwas no ontatatdang irad dalan na Sis. Naabet yo ra ed samput na patar a mamaarap ed kalawakan ya asingger ed Jeruel.

Josue 3:5

Inkuanen Josue ed saramay totoo, “Linisan yoy sikayon dili onung ed ganggan, tan nabwas say Katawan manggawad pegley yo na saray milagro.”

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Josue 11:5

Nanmomoyung ira yan arari tan nankakasakey iran nankampo ed abay na kolus na Merom, ta bakalen day Israel.

Josue 11:7

Kanyan si Josue tan amin a totoo to dinogpaan dan bigla iray kalaban da diad kolus na Merom.

Saray Huis 7:9

Diad saman a labi ingganggan na Katawan si Gedeon, “Bangon kayo, ta dogpaan yoy kampo da ray Madianita; panaloen ta kayo.

Ezekiel 39:9

Saray totoon manaayam ed saray siudad na Israel et ompaway ira tan tiponen dan intongo iray atilak-tilak ya armas. Poolan da ray samper, pana, pika, tan maso, et ag da ra naoput ya ipool legay pitoy taon.

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”