Josue 10:42 - Maung A Balita Biblia

⁴² Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Maung a Balita Biblia

⁴² Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 10:42 Referans Kwoze

Josue 10:14

Anggapon balut nen saman ya anggad natan, so singa sayan agew a tinoluk na Katawan so sakey a too. Tinulongan na Katawan ya akibakal so Israel!

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 80:3

Papawil mo kami pa, O Dios! Ipanengneng mo pad sikami so panangasim et nilaban kami!

Isaias 43:4

Ipatalok ya amin iray bansa pian nilaban koy bilay mo, lapud mabli kad siak tan lapud inaro ta ka tan itdan ta kay kagalangan.

Saray Salmo 118:6

Kaibak so Katawan, ag ak ontakot; antoy nagawaay too ed siak?

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Deuteronomio 20:4

Say Katawan a Dios et olupen to kayo, tan panaloen to kayo.’

Exodo 14:25

Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”

Exodo 14:14

Say Katawan so mibakal a para sikayo; mandeen labat so nepeg yon gawaen.”

Josue 10:43

Kayari to ya, pinmawil ed kampod Gilgal si Josue tan saray sondalo to.