Josue 10:2 - Maung A Balita Biblia

² Mapalaloy inkapagaan na saray totood Jerusalem lapud say Gabaon et singa kabaleg na saray arum a siudad a walay ari ra; baleg nen say Ai, tan marunong a bumabakal iray totoo to.

Maung a Balita Biblia

² Mapalaloy inkapagaan na saray totood Jerusalem lapud say Gabaon et singa kabaleg na saray arum a siudad a walay ari ra; baleg nen say Ai, tan marunong a bumabakal iray totoo to.

Josue 10:2 Referans Kwoze

Deuteronomio 11:25

Inermay laen yod saman a dalin say Katawan a Dios yo et patakoten tod sikayo ray totoo, onung na insipan to, tan anggapoy makalaban ed sikayo.

Josue 2:24

tan inkuanda, “Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.”

Saray Hebreo 10:31

Makapataktakot so napelag ed limay Dios a mabilay!

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Probirbio 10:24

Nagamuran na saray totoon matonung so pilalek da, balet onsabid saray totoon maoges so tatakotan da.

2 Samuel 12:26

Intuloy nen Joab so impibakal tod Rabba, say manonan siudad na Ammon. Nen ngalngali to la nadakep,

1 Samuel 27:5

Inkuanen David ed kinen Akis, “No kaaro mo ak, itdan mo ak na melag a baley a panayaman ko. Ag nakaukolan a miayam ak ed sikad manonan siudad.”

Deuteronomio 28:10

Diad satan nanengneng na amin a katoowan ed intiron mundo a say Katawan pinili to kayon dilin totoo to, et ontakot irad sikayo.

Josue 9:3

Balet nen saray Heveo a sikaray totood Gabaon et nadngelan day ginawa nen Josue ed Jerico tan Ai,

Deuteronomio 2:25

Manlapud sayan agew pagmaliwen kon ontakot ed sikayo iray totood inerman a pasen. Diad pakabitla labat ed ngaran yo onggiwgiw lad takot so balang sakey a too.’

Josue 9:24

Inmebat ira, “Ginawa mi ya, lapud naamtaan mi a say Katawan a Dios yo et tuan ingganggan toy aripen ton Moises ya iter tod sikayo yan intiron dalin tan pateyen yo ray totoon manaayam dia legan a mankukurang kayo. Ginawa mi ya lapud antakot kamid sikayo, ompan pateyen yo kami.