Josue 10:11 - Maung A Balita Biblia

¹¹ Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Maung a Balita Biblia

¹¹ Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Josue 10:11 Referans Kwoze

Isaias 28:2

Say Katawan walay too ton mabiskeg tan makapanyari ya akaparaan ya ondogpa ed sikara; sikatoy onsabi a singa oran a kristal, singa mapmaples ya oran, singa mabiskeg tan maples ya agos na delap, tan lanayapan toy dalin.

Saray Huis 5:20

Manlapud tawen akilaban iray bitewen; diad ibebeltang dad tawen, nilabanan day Sisara.

Puyan 16:21

Inmoran a nanlapud tawen na ankakabaleg a kristal a mambelat na ngalngalin limamplon kiloy sakey, tan apatpataan iray totoo. Lapud saya, inayew na saray totoo so Dios, ta makapataktakot yan salot!

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Ezekiel 13:11

Ibagam ed saray propita a nageba so padir da. Mangipelag ak na maples ya oran. Ompelag met ed padir so oran a yilo, tan ombasig ed sikato so mabiskeg a dagem.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

Say Libro nen Job 38:22

Alooban mo la ray kuarton panagsinupan ya anginan ko na yilo tan kristal ya oran?

Deuteronomio 20:4

Say Katawan a Dios et olupen to kayo, tan panaloen to kayo.’

2 Samuel 18:8

Kinmayat so bakal ed intiron kaalogan, et dakel niy inatey ed dalem na takel nen say inatey ed bakalan.

Say Libro nen Job 38:23

Imparaan ko ran para panaon na gunigon, para agew na bakal tan laban.

Saray Salmo 147:17

Singa saray ankekelag a bato iray kristal ya ipepelag to; anggapoy makatepel ed betel ya ibabaki to!

Isaias 28:21

Mibakal so Katawan a singa ginawa tod Palandey na Perazim tan diad patar na Gabaon, pian nasumpal toy ginetma ton gawaen—anggaman a singa nidoman tuloy so gagawaen to. Sigput a sumpalen toy makapakelaw a kimey to.