Josue 1:18 - Maung A Balita Biblia

¹⁸ Pateyen so siopaman ya onsumpad pakaoley mo tan onsumlang ed saray ganggan mo. Mampabiskeg kay linawam tan manmatalek ka!”

Maung a Balita Biblia

¹⁸ Pateyen so siopaman ya onsumpad pakaoley mo tan onsumlang ed saray ganggan mo. Mampabiskeg kay linawam tan manmatalek ka!

Josue 1:18 Referans Kwoze

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

Esdras 10:4

Kanepegan mo yan gawaen. Sipaparaan kamin ontoluk ed sika, pabiskeg moy linawam tan gawam lay labay mo.”

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

1 Samuel 11:12

Insan inkuan na saray totood Israel ed kinen Samuel, “Iner so kawalaan da ra may totoon angikuan a si Saul et ag nepeg ya ari mi? Iyakar mo ra dia, ta pateyen mi ra!”

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

Deuteronomio 17:12

Nepeg a pateyen so siopaman a manumlang ed sintinsia na huis odino pari a manlilingkur ed saman a panaon; diad onya napaandipat yo yan kaogsan ed Israel.

Josue 1:17

Onuren mi ka a singa impangonur mi lawas ed kinen Moises; wala komun ed sika so Katawan a Dios mo a singa inkiwala tod kinen Moises!

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.