Jonas 4:6 - Maung A Balita Biblia

⁶ Insan pinatubo na Dios a Katawan so sakey a tanaman ya anarung ed kinen Jonas, pian ag nasalimootan. Mapalaloy liket nen Jonas lapud samay tanaman.

Maung a Balita Biblia

⁶ Insan pinatubo na Dios a Katawan so sakey a tanaman ya anarung ed kinen Jonas, pian ag nasalimootan. Mapalaloy liket nen Jonas lapud samay tanaman.

Jonas 4:6 Referans Kwoze

1 CORINTO 7:30

saray manaakis, a singa ra aliwan maermen; saray manliliket, a singa ra aliwan maliket; saray mansasaliw, a singa anggapoy kayaryan da;

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Isaias 39:2

Maliket si Ezekias ya angawat ed saramay imbaki tan impanengneng ton amin iray kayamanan to—saray pilak tan saray balituk to, saray rikado tan saray pabalingit to, tan amin a kagawaan na saray sondalo. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.

Ester 5:9

Nen nanlapud ponsia si Haman malikeliket tan masaysayaksak. Balet anengneng toy Mardokeo ed lolooban na palasio. Nen ag inmalagey si Mardokeo odino angipanengneng na pamatnagay pangigalang to nen onlalabas, mapalaloy pasnuk nen Haman ed sikato.

Amos 6:13

Ipapasirayew yoy impakadakep yod baley na Lodebar. Kuanyo, “Mabiskeg kami kanyan adakep mi so Karnaim.”

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Jonas 4:5

Pinmaway ed bokig na siudad si Jonas tan inmirung diman. Nanggawa na tarung to, nanirung ed silong to, tan inalagar toy nagawad Ninive.

Jonas 4:7

Balet diad kaimbuas ingganggan na Dios so sakey a bigis a kibkiben to may tanaman, kanyan inatey imay tinmobun tanaman.

Say Libro nen Job 7:2

singa sakey ya aripen a pampilpilalekan toy ambetel a siroman; singa sakey a kumikimey a mantatalaran na upa to.