Jonas 3:4 - Maung A Balita Biblia

⁴ Ginapwan nen Jonas so nanakar ed siudad tan kalabas na sanagew ya impanakar to, imbawag to, “Naderal so Ninive kalabas na apataplon agew manlapud natan!”

Maung a Balita Biblia

⁴ Ginapwan nen Jonas so nanakar ed siudad tan kalabas na sanagew ya impanakar to, imbawag to, Naderal so Ninive kalabas na apataplon agew manlapud natan!

Jonas 3:4 Referans Kwoze

Deuteronomio 18:22

No mansalitad ngaran na Katawan so sakey a propita balet ag ontuay salitaen to, ag nanlapud Katawan so salita to. Satan a propita et nansalita ed pakayari ton dili, kanyan nepeg ya ag yo takotan.

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

2 Saray Arari 20:6

Pambilayen ta ka nin labinlimay taon. Iyagel ta ka tan sayan siudad na Jerusalem ed impirador na Asiria. Iyagel ko yan siudad lapud sikatoy pakagalangan ko tan lapud samay sipan kod aripen kon David.’”

2 Saray Arari 20:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

Mateo 12:41

Diad Agew na Okum onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!

Lucas 11:30

No panoy impagmaliw nen Jonas a tanda ed saray taga Ninive, ontan met so pagmaliw na Anak na Too a tanda ed saray totood sayan panaon.

Lucas 11:32

Diad Agew na Okum, onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!”

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Jeremias 42:10

‘No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.