Jonas 1:16 - Maung A Balita Biblia

¹⁶ Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.

Maung a Balita Biblia

¹⁶ Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.

Jonas 1:16 Referans Kwoze

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

Saray Gawgawa 5:11

Ataktakot a maung so intiron iglisia tan amin ya akabalitad saya.

Marcos 4:31

Say Panariay Dios aliling toy bokel na mustasa, a sankamelagan a bokel diad tapew na dalin.

Jonas 1:10

Intuloy nen Jonas ya imbagad sikara ya ibabatikan toy Katawan. Mapalaloy inkataktakot da ra may mariniro, kanyan kuandad sikato, “Akin et ontay ginawam?”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Saray Salmo 116:14

Diad tipon da ray amin a totoo to, iter kod sikatoy insipan ko.

2 Saray Arari 5:17

Kanyan inkuanen Naaman, “No ag mo awaten yay rigalok, abuloyan mo pa sirin a mangisempet ak na dalin a kargaen na duaran mula, ta manlapu lad sayan agew ag ak mangisaklang a mamool na saray bagat ed dinanman a dios likud ed Katawan.

Genesis 28:20

Insan sinambaan tod Katawan a Dios, “No kaiba mo ak lawas tan iyagel mo ak legan na sayan akar ko tan itdan mo ak na kawes tan kakanen,

Jonas 1:14

Kanyan tinmawag irad Katawan, “O Katawan, pikasi mid sika ya ag mo kami pa dudusaen na patey lapud pangoyus mid bilay na sayan too. Sika, O Katawan, so akaoley ed sayan inkagawa; sika so nanggawad sayan amin.”

Say Libro nen Job 37:24

Ag sirin pankelawan ya ontakot ed sikato iray amin a totoo, tan saray palpaolyan to ray mankabatkabatan.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.