Joel 3:19 - Maung A Balita Biblia

¹⁹ “Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Maung a Balita Biblia

¹⁹ Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Joel 3:19 Referans Kwoze

Jeremias 51:35

Ibaga komun na saray taga Sion, “Ebatan komun na Babilonia so duksan ginagawa tod sikatayo!” Ibaga komun na saray taga Jerusalem, “Ebatan komun na Babilonia so kairapan a nilikna tayo!”

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Obadias 1:1

Sikato yay propisiya nen Obadias—say imbaga na Katawan a DIOS nipaakar ed bansa na Edom. Say Katawan imbaki tod saray bansa so managbalita to, et nadngel mi so imbalita to: “Mamparaan kayo! Onla itayon mibakal ed Edom!”

Saray Tagleey 4:21

Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Jeremias 49:17

Say Katawan inkuanto, “Makapasinagem so nagawa ed Edom, kanyan nikelawan tan nataktakot ed agawa so siopaman a makadalan.

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.