Joel 2:21 - Maung A Balita Biblia

²¹ “Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Maung a Balita Biblia

²¹ Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Joel 2:21 Referans Kwoze

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Isaias 35:1

Manliket so kalawakan, tan ombuskag iray rosas diman.

1 Samuel 12:16

Kanyan sirin, manalagey kayod kawalaan yo, et nanengneng yoy bengatlan makapakelaw a gawaen na Katawan.

Zacarias 8:15

Balet natan nununoten ko a bindisionan iray totood Jerusalem tan Juda. Kanyan ag kayo natatakot.

Joel 2:20

Ekalen ko ray amayamay a dorun a nanlapud baybay tan paonlaen ko rad kabueran. Saray walad onaan ya olup et naablug irad Inatey a Dayat, tan saray walad bandad onur, diad Dayat na Mediteraneo. Ombanget iray inaatey a laman da. Deralen ko ra, lapud saray ginagawa rad sikayo.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Saray Salmo 98:8

Mantipak kayo, sikayo ran ilog; mantetekep kayon mankanta a maliket diad arap na Katawan, sikayo ran kapokdulan,

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Oseas 2:21

Diad satan a panaon ebatan ko ray pikakasi na saray totook ya Israel. Papelagen koy oran ed tapew na dalin, et say dalin mangiter na trigo, ubas tan oliba.

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Saray Salmo 71:19

O Dios, sabien na inkatonung mo so katawenan. Matalonggaring iray ginagawam; Siopay miparad sika?

Joel 2:26

Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.