Joel 2:19 - Maung A Balita Biblia

¹⁹ Say Katawan inmebat ed sikara: “Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Maung a Balita Biblia

¹⁹ Say Katawan inmebat ed sikara: Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Joel 2:19 Referans Kwoze

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Ezekiel 36:15

Say dalin ag to la nepeg a dengelen iray bansan manluludlurey ed sikato odino onnengneng ed saray totoon mamapabaing ed sikato. Say dalin ag to la takewen iray anak to. Siak a Katawan a Dios so nansalita.”

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Joel 2:24

Napano na trigo so panagilikan; onlepwad alak tan larak na oliba iray abut ya abay na saray panagpespesan.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Joel 1:10

Anggapoy tanaman ed kaalogan; maermen so dalin lapud aderal-deral iray trigo, amagaan iray sengeg na ubas, tan nalnes iray kiew na oliba.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Levitico 26:5

Diad karakel na bungay tanaman yo; manaani kayo ni anta panaon lay panagborbor na ubas, tan mamboborbor kayo niy ubas, anta panaon lay panagtanem na trigo. Nawalaan kayo na amin a labay yon kanen, tan mambilay kayon arawid kaatapan ed dalin a panayaman yo.

Oseas 2:21

Diad satan a panaon ebatan ko ray pikakasi na saray totook ya Israel. Papelagen koy oran ed tapew na dalin, et say dalin mangiter na trigo, ubas tan oliba.

Deuteronomio 11:14

No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.

Ezekiel 36:30

Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.