Jeremias 9:4 - Maung A Balita Biblia

⁴ Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Maung a Balita Biblia

⁴ Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Jeremias 9:4 Referans Kwoze

Jeremias 6:28

Diad gaway awet na olo ran amin onlalaban ira; liber-liber iran mantatalabutob. Anawet a singa gansa tan balatyang so kapusoan da; marotak so kagagawa ran amin.

Mateo 10:21

“Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Probirbio 25:18

Say pantasi na tila sumpad kaparan too, et aliling toy ispada, pekpek, odino matdem a pana.

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Saray Salmo 15:3

tan ag to papaogesey kapara ton too. Ag manggagaway maoges ed saray kakaaro to, tan ag mangikakayat na tila nipaakar ed kapara ton too.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Lucas 21:16

Mantraidor ed sikayoy anggan saray dilin atateng, agagi, kakanayon, tan kakaaro yo. Papatey da ni ray arum ed sikayo.

Mateo 10:17

Manalwar kayo, ta wala ray totoon mangerel tan mangidalem ed sikayod korti. Siplatan da kayod saray sinagoga ra.

Ezekiel 22:9

Wala ray totoom a mantitila nipaakar ed saray arum a totoo, pian napapatey da ra. Saray arum mamangan iray imbagat ed saray talintaoy diriyos. Wala ray mamepenek na kaliktan na laman da.

Probirbio 6:16

Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Jeremias 9:8

Singa makapatey a pana iray dila ra; tila lawas so sasalitaen da. Maumaung so panagsalita na balang sakey ed kapara ton too, balet diad tuay tua sisiliban to.

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Probirbio 4:17

Diad sikara say kaogsan tan karuksaan et singa kakanen tan iinomen.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.