Biblia Todo Logo
Bib sou entènèt

- Piblisite -




Jeremias 8:13 - Maung A Balita Biblia

13 “Nilabay kon tiponen iray totook, a singa pantitipon na too na naani to; balet singa ra sengeg na ubas ya anggapoy bunga, singa ra sengeg na igos ya anggapoy bunga; amagaan iray anggan bolung da. Kanyan inabuloyan ko ray taga paway na bansa a manakup ed dalin da.”

Gade chapit la Kopi

Maung a Balita Biblia

13 Nilabay kon tiponen iray totook, a singa pantitipon na too na naani to; balet singa ra sengeg na ubas ya anggapoy bunga, singa ra sengeg na igos ya anggapoy bunga; amagaan iray anggan bolung da. Kanyan inabuloyan ko ray taga paway na bansa a manakup ed dalin da.

Gade chapit la Kopi




Jeremias 8:13
25 Referans Kwoze  

Akanengneng na kiew ya igos ed gilig na dalan, kanyan nila to. Balet anggapoy nalmo ton bunga, no ag ta kabolubolung. Inkuantod samay kiew, “Ag ka lan balut mambunga!” Tampol ya amagaan imay kiew.


Dinederal da ray sengeg na ubas tayo tan nginingitngit da ray kiew tayon igos. Ineekal dan impepelag iray obak ya anggad ampoti-poti ray sanga.


Sikatoy singa kiew a nitanem ed abay na kolus tan ipapasabi tod danum iray lamut to. Ag antakot no onsabiy tiagew, ta mansiansian birdi ray bolung to; anggapoy pagpaga to no ag onoran; ag ontonda a mambunga.


Ta ompaway so agew tan diad ontan lan petang to, pamagaen toy dika, nalaylay met lad satan iray rosas to, tan naderal lay kinarakep to. Ontan met, say mayaman ompatey legan ton gagawaen iray kimey to.


Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.


Anggapoy pateterteren kon oran ed dalin—diad kapokdulan, diad kaalogan, diad kaubasan, tan diad kaolibaan—diad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.”


Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,


Kanen da ray bungay tanaman yo tan saray tagano yo; pateyen da ray anak yon lalaki tan bibii. Kanen da ray karniro yo tan saray baka yo; deralen da ray kaubasan tan saray kaigosan yo. Deralen na saray sondalo ra iray panmamatalkan yon siudad ya aliber na padir.


Say limaran iktarian dalin a tinanemay ubas et pangalaan labat na sakey galon ya alak. Say binin samploran sako et napananian labat na sakey sako.”


Anggapoy nagonggona yod pinasian pansagput yo, lapud ag mangiter na bunga so dalin yo tan ag mambunga so kakiewan yo.


Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.


Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”


Deralen koy kaubasan to tan saray kakiewan ton igos, ya onung ed imbaga to iniiter ed sikato na saray kainarowan to, lapud panlilingkur tod sikara. Pagmaliwen kon kalawakan iray kaubasan to tan saray kakiewan to; deralen ira na saray ayayep ed katakelan.


Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.


Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra.” Say Katawan a Dios so nansalita.


Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.


Swiv nou:

Piblisite


Piblisite