Jeremias 7:21 - Maung A Balita Biblia

²¹ “Totook, akan yo la laingen iray bagat a popoolan, a pati saray bagat a nayarin kanen. Sikato yay ibabagak, siak a Katawan a Makapanyarin-amin a Dios na Israel.

Maung a Balita Biblia

²¹ Totook, akan yo la laingen iray bagat a popoolan, a pati saray bagat a nayarin kanen. Sikato yay ibabagak, siak a Katawan a Makapanyarin-amin a Dios na Israel.

Jeremias 7:21 Referans Kwoze

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Isaias 43:23

Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?

Deuteronomio 12:27

Isaklang yod man ed altar na Katawan iray bagat yon popoolan. Isaklang yod man met iray bagat a kanen yoy karni ra tan ikalbo yod altar so dala ra.

Saray Salmo 50:8

Ag ta kayo pamapasnukan lapud saray bagat yo tan saray bagat a popoolan a lawas yon iyaakar ed siak.