Jeremias 7:18 - Maung A Balita Biblia

¹⁸ Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Maung a Balita Biblia

¹⁸ Saray ogogaw mantitipon ira na kiew ya itotongo, saray totoon baleg a lalaki et mamaparlang ira, tan saray bibii manmamasa ra na gawaen dan kanen a para diosan tatawagen da na Riyna na Tawen. Angisaklang met ira na saray bagat ya iinomen ed saray arum a diriyos, pian napasakitan da ak.

Jeremias 7:18 Referans Kwoze

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

1 Saray Arari 14:9

Ambelat ni ray ginawam a kasalanan nen saray akaonan nanoley nen say sika. Impolisay mo ak tan impanpasnuk mo ak lapud impanggagawam na saray talintaoy diriyos tan saray imahin a mital a panagpikasian mo.

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 25:7

Balet say Katawan a dili imbaga to a sikatoy ag yo dinengel. Ingen impanpasnuk yo diad panamegley na saray talintaoy diriyos yo, kanyan sikayon dili so nanlapwan na sayan panudusa tod sikayo.

Jeremias 11:17

“Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.”

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

1 Saray Arari 16:2

“Ag da ka ni italtalek nen saman, et ginawa ta kan pangulo na saray totook ya Israelita, balet nankasalanan kan singa si Jeroboam tan inlagyat mon nankasalanan iray totook. Pinmetang so olok lapud saray kasalanan da,

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Isaias 57:6

Mangaala kayod man na saray pino-pinon bato, insan igagalang yo ran diriyos. Iibungan yo ra na alak a pinagkabagat ed sikara tan iyaakaran yo ra na saray bagat a trigo. Abaloan yon napapaliket yo ak ed saraya?

Saray Salmo 16:4

Nabontunan na kairapan, iray manlilingkur ed saray diriyos. Ag ak mibiang ed saray bagat dan dala; ag ko igalang iray diriyos da.

Jeremias 7:17

Ag mo ta nanenengneng so gagawaen da ed saray siudad na Juda tan saray dalan na Jerusalem?

Jeremias 17:2

Saray totoom et mangigagalang ira diad saray altar tan saray tanda a nipaalagey para si diosan Ashera diad abay na masalumpapak a kiew, diad toktok na saray pokdul,

Saray Tagleey 5:13

Apasoot a manggiling iray lalakin tobun-balo tayo; mandokingking a mansasakbat na ambelat a kiew iray ogogaw a lalaki.

Ezekiel 8:17

Say Katawan inkuantod siak, “Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.

Ezekiel 16:26

Akikiakdul ka met ed saray Egipsio, saray kaabay mon maarod liket na laman, tan lapud impanbibilay mon marotak impanpasnuk mo ak.

Jeremias 1:16

Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.