Jeremias 6:24 - Maung A Balita Biblia

²⁴ “Nadngelan miy nipaakar ed balita,” kuan na saray totood Jerusalem, “et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.

Maung a Balita Biblia

²⁴ Nadngelan miy nipaakar ed balita, kuan na saray totood Jerusalem, et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.

Jeremias 6:24 Referans Kwoze

Jeremias 50:43

Nererengel na ari na Babilonia so balita, tan alaylay iray taklay to. Mapalaloy paneermen to, tan paniirap to a singa sakey a biin mampapasakit.

Jeremias 49:24

Nagmaliw a maletey iray taga Damasco tan batik irad takot da. Manlilikna ray kairapan tan pakaskasi ran singa biin mampapasakit.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Jeremias 30:6

Tonda kayo natan, ta mannunot kayo! Mananak ta na sakey ya ogaw so laki? Akin sirin et sankanengneng koy balang laki a sankabembenan toy eges to a singa biin mampapasakit? Akin et ampoti-potiy bosaleg na balang sakey a too?

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Isaias 21:3

Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Saray Salmo 48:6

Asabian irad may baleg a takot tan segsegang, singa biin ngalngali la mananak,

Daniel 5:9

Diad inkagunigon nen Ari Belsasar lalon pinmotiy bosaleg to, tan ag amtay gawaen na saramay manonan opisyal to.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Ezekiel 7:17

Onkapoy so lima ran amin tan ompayegpeg so pueg da.