Jeremias 6:11 - Maung A Balita Biblia

¹¹ Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Maung a Balita Biblia

¹¹ Napno ak na sanuk mo, Katawan, tan naooputan ak lay anos a mamokpok ed sanuk mo. Insan inkuan na Katawan ed siak, Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Jeremias 6:11 Referans Kwoze

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.

Puyan 16:1

Nadngel koy maksil a bosis a nanlapud timplo ya inkuantod saramay pitoran anghil, “Laka yo ta ikalbo yo lad mundo ray pitoran yaung a napnoy pasnuk na Dios!”

Saray Gawgawa 18:5

Nen sinmabi ra di Silas tan Timoteo a nanlapu rad Macedonia, anggapo lay ginawa nen Pablo no ag say mampulong tan mamaneknek ed saray Judio a si Jesus et Cristo.

Saray Gawgawa 17:16

Nen aalagaren nen Pablo si Silas tan si Timoteo ed Atenas, agunigon nen naimano ton napnoy diriyos iman a siudad.

Saray Gawgawa 4:20

Ta ag mi nayarian ya ag ibalitay anengneng tan nadngel mi.”

Lucas 17:34

Kuankod sikayo a diad satan a labi, walay duaran lalakin nanaogip ed sakey a katri: naalay sakey, tan natilak so sakey.

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Isaias 40:30

Onkapoy iray anggan malangwer ni; napunaw iray totoon kabisbiskegan da.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 15:17

Ag ko inarap so akiliket-liket tan akielek-elekan ed saray totoo. Lapud impangonur kod saray ganggan mo, nambukbukor ak tan napno ak na pasnuk.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Ezekiel 3:3

Inkuanto, “Akan mo yan babasaen ya iiter kod sika; panom so eges mo na saya.” Kinan ko, et masamit a singa dilo.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Jeremias 5:9

Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.