Jeremias 52:4 - Maung A Balita Biblia

⁴ Kanyan diad kumaplon agew na kumaplon bulan na kumasiam a taon na panooley nen Sedekias ed Juda, linmad Jerusalem si Nabucodonosor tan amin da ray sondalo to, ta dinogpaan da. Nankampo ra ed paway na siudad, tan pinaliberan da na padir

Maung a Balita Biblia

⁴ Kanyan diad kumaplon agew na kumaplon bulan na kumasiam a taon na panooley nen Sedekias ed Juda, linmad Jerusalem si Nabucodonosor tan amin da ray sondalo to, ta dinogpaan da. Nankampo ra ed paway na siudad, tan pinaliberan da na padir

Jeremias 52:4 Referans Kwoze

Jeremias 39:1

Nen kumaplon bulan na kumasiam a taon na panaarid Juda nen Sedekias, sinmabiy Nabucodonosor tan amin a sondalo to tan dinogpaan day Jerusalem.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Jeremias 52:7

abungaw na saray kalaban so padir na siudad. Anggaman a nilakob na saray taga Babilonia so siudad, akabatik ya amin iray sondalo na Juda legan na labi. Dinmalan irad tanamanan na ari insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Isaias 29:3

Dogpaan na Dios so Jerusalem, lakoben to, tan looban to.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Jeremias 34:1

Akisalitad siak so Katawan nen si Ari Nabucodonosor na Babilonia tan saray sondalo to, a tutulongan iray arum a sondalon taga ra arum a bansa a wala rad silong na pakaoley to, et dodogpaan day Jerusalem tan saray kakaabay ton baley.

Ezekiel 26:8

Napatey ed bakal iray manaayam ed saray baley ed maawang a dalin. Saray kalaban manggawa ra na saray tirinsira, saray bunton na dalin, tan mangipaalagey ira na saray makapal tan mabiskeg a saniban da no milaban irad sika.

Ezekiel 33:21

Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.

Ezekiel 40:1

Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Jeremias 4:17

liktuben day Jerusalem a singa lalakin babantayan day sakey ya alog lapud sinmumpad Katawan iray totoo to.” Say Katawan so nansalita.

Jeremias 21:2

“Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.