Jeremias 52:33 - Maung A Balita Biblia

³³ Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.

Maung a Balita Biblia

³³ Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.

Jeremias 52:33 Referans Kwoze

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

1 Saray Arari 2:7

“Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

2 Samuel 9:13

Kanyan nanayam ed Jerusalem si Mefiboset a lopuy iray sali to. Diad lamisaan na ari so angakanan to lawas.

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Genesis 41:14

Impaawit nen ari si Jose, kanyan nipaway a tampol ed prisowan. Kasumpal ton nambalbas tan nampales, pinmarontal ed ari.

Zacarias 3:4

Samay anghil kuantod mangatatawen iran igaganggan, “Lakseb yod sayan laki so maringot ya akasolung ed sikato.” Insan to inkuan ed kinen Josue, “Inekal ko ray kasalanan mo tan itdan ta kay balon kawes ya isolung mo.”

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

2 Saray Arari 25:29

Kanyan naabuloyan si Joakin a mansalat na kawes ton kawes na priso tan mirongo ed ari legan na impanbilay to.