Jeremias 52:20 - Maung A Balita Biblia

²⁰ Diad gaway belat da ray ikakanan gansa a ginagawa nen Ari Solomon a para Timplo—saray duaran lusek, saray kariton, say baleg a kawa, tan saray labinduan bakan kalakyan ya angampatot ed samay kawa et ag ira nayarin simbangen.

Maung a Balita Biblia

²⁰ Diad gaway belat da ray ikakanan gansa a ginagawa nen Ari Solomon a para Timplosaray duaran lusek, saray kariton, say baleg a kawa, tan saray labinduan bakan kalakyan ya angampatot ed samay kawa et ag ira nayarin simbangen.

Jeremias 52:20 Referans Kwoze

1 Saray Arari 7:47

Ag impasimbang nen Solomon ira yan gansan kagawaan, ta diad karakel da ag nibagay belat da.

2 Saray Arari 25:16

Ambelat a tuloy a simbangen iray bengatlan gansa a ginawa nen Ari Solomon a para Timplo—saray duaran lusek, saray panangipatoonan, tan say balbaleg a dipositoway danum.

2 Saray Awaran 4:18

Diad ontan lan karakel na agawan kagawaan ag asimbang so intiron belat na gansan nikana.

1 Saray Awaran 22:14

Diad impanggawak na anggaay nayarian ko, akatipon ak na ngalngalin apat a libon toniladan balituk tan ngalngalin apataplon libon toniladan pilak ya onkanan pamaalagey ed Timplo na Katawan. Likud nid saraya, masolusoluk iray ikanan gansa tan balatyang. Wala met iray akaparaan a kiew tan bato, balet aruman mo ni ra.

1 Saray Arari 7:25

Naampatut yan kawa ed beneg na saray labinduan gansan bakan kalakyan ya akaarap irad paway, taloray akaarap ed baybay, abalaten, bokig tan sagur.

Jeremias 52:17

Minekmek na saray taga Babilonia iray gansan lusek tan saray kariton a walad Timplo, pati say baleg a gansan dipositoway danum, insan da inaawit ed Babilonia iray amin a gansa.