Jeremias 52:18 - Maung A Balita Biblia

¹⁸ Inala da met iray pala, saray pananginay dapul, saray panagpotut na pabilo, saray yaung a panagsaluray dala na saray bagat, saray yaung ya ikakanad panagpool na insinso, tan amin nin gansan kagawaan ya ikakana ed panaglingkur ed Timplo.

Maung a Balita Biblia

¹⁸ Inala da met iray pala, saray pananginay dapul, saray panagpotut na pabilo, saray yaung a panagsaluray dala na saray bagat, saray yaung ya ikakanad panagpool na insinso, tan amin nin gansan kagawaan ya ikakana ed panaglingkur ed Timplo.

Jeremias 52:18 Referans Kwoze

Saray Bilang 4:14

Itapew dad saya iray amin a kagawaan ya ikakana ed altar: saray palangganan pananginay ngalab, saray tinidor, saray karyo, tan saray talyasi. Insan da sakbungan na pinon katat tan isolung da ray tiken a panagsakbatan.

Exodo 27:3

Manggawa ka na saray palangganan pananginay dapul, tan manggawa ka na saray karyo, saray yaung, saray tinidor, tan saray palangganan pananginay ngalab. Gansa ra yan amin a kagawaan.

1 Saray Arari 7:40

Nanggawa met si Hiram na saray banga, pala, tan saray palanggana. Asumpal ton amin iray kimey tod Timplo na Katawan, tan para si Ari Solomon. Nia ray ginawa to: Saray duaran lusek Saray duaran singa yaung ya olo na saramay duaran lusek ed toktok na olo na saramay lusek Saray golunggolung a balibalin imbaliber ed kapag olo-olo Saray apat a lasus a gansan granada a nidasig ya amidwa ed talonton, ya asanlasus so kapag olo na saray lusek Saray samploran kariton Saray samploran palanggana Say kawa Saray labinduan bakan kalakyan ya ampatot na kawa Saray banga, pala, tan saray yaung Pinasileng a gansa ira yan amin a kagawaan na Timplo, a ginawa nen Hiram para si Ari Solomon.

2 Saray Awaran 4:22

saray panagpotut na pabilo, saray yaung, saray pananginay insinso, tan saray pananginay ngalab. Amin da ra yan kagawaan et puro ran balituk. Naokupan na balituk iray puirtad paway na Timplo tan saray puirta na Sankasantosan a Pasen.

2 Saray Awaran 4:11

Nanggawa met si Huram na saray banga, pala, tan yaung. Sinumpal ton ginawa iray amin a kagawaan ya insipan ton Ari Solomon a gawaen para Timplo: Saray duaran lusek Saray duaran singa yaung ya olo ed toktok na saramay lusek Saray golunggolung ed toktok na olo na saramay lusek Saray apat a lasus a gansan granada a nidasig ya amidwa ed kapag olo na saramay lusek Saray samploran kariton Saray samploran palanggana Say kawa Saray labinduan bakan kalakyan ya angampatot ed samay kawa Saray banga, saray pala, tan saray tinidor Pinasileng a gansa so inkana nen Huram nen ginagawa to ra yan amin a kagawaan a para Timplo na Katawan, onung na ingganggan nen Ari Solomon.

1 Saray Awaran 28:17

Imbaga to met no kaunongay puron balituk ya ikana ed panggawad saray tinidor, saray yaung, tan saray boyug; ontan met no kaunongay pilak tan balituk ed panggawad saray plato.

1 Saray Arari 7:50

saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

Saray Bilang 4:7

Apisan da na asul ya abel so lamisaan a panangisaklangan na tinapay ed Katawan, insan da itapew diman iray plato, saray yaung a pananginay insinso, saray yaung a pananginay bagat, tan saray ankelag a pasig a pananginay bagat ya alak. Nepeg a walay tinapay lawas ed lamisaan.

Exodo 38:3

Nanggawa met na saray amin a kagawaan na altar: saray palangganan pananginay dapul, saray karyo, saray yaung, saray tinidor, tan saray palangganan pananginay ngalab. Gansa ra yan amin a kagawaan.

Exodo 37:23

Nanggawa na pitoran lamparaan a para samay panangipatoonan, tan nanggawa na saray puron balituk a panagpotut na pabilo tan saray delsangan.

Exodo 37:16

Nanggawa na saray puron balituk a kagawaan na samay lamisaan; saray plato, saray kupa, saray ankelag a pasig, tan saray yaung ya ikanad bagat ya alak.

Exodo 25:29

Manggawa ka na saray plato, saray kupa, saray ankelag a pasig, tan saray yaung ya ikanad saray bagat ya alak. Amin da ra ya et balituk.

Exodo 25:38

Manggawa ka na saray puron balituk a panagpotut na pabilo tan saray delsangan.