Jeremias 51:62 - Maung A Balita Biblia

⁶² Insan ka mampikasi, ‘Katawan, imbagam a deralen mo yan pasen, pian anggapo lay antokaman a mabilay a manayam dia, totoo may ayayep, tan magmaliw a singa ando lan andon kabueran.’

Maung a Balita Biblia

⁶² Insan ka mampikasi, Katawan, imbagam a deralen mo yan pasen, pian anggapo lay antokaman a mabilay a manayam dia, totoo may ayayep, tan magmaliw a singa ando lan andon kabueran.

Jeremias 51:62 Referans Kwoze

Jeremias 50:13

Diad pasnuk ko anggapoy manayam ed Babilonia, ta magmaliw ya aderal-deral a siudad, tan natalagnaw tan nikelawan ya amin iray ondalan.

Jeremias 50:3

“Sakey a bansa ed baybay so sinmabi lan ondogpa ed Babilonia, tan pagmaliwen ton andi-kakanaan a pasen. Ibatikan na saray totoo tan saray ayayep, tan anggapoy manayam diman.”

Ezekiel 35:9

Pagmaliwen ta kan begtebegtew ya anggad angga, tan anggapo lay manayam lamet ed saray siudad mo. Naamtaan mod satan a siak so Katawan.

Jeremias 51:37

Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 33:12

Inkuan na Katawan a Makapanyarin-amin, “Diad sayan dalin a singa kalawakan ya anggapoy too o ayep a manaayam, nawalaan lamet na saray pastolan a napanyakaran na saray pumapastol na saray karniro ra.

Jeremias 51:43

Nagmaliw a makapataktakot a nengnengen iray baley to, tan nagmaliw iran andiay danum a kabueran, ya anggapo lad may toon manaayam odino ondadalan.

Jeremias 51:61

Inkuankod kinen Seraias, “No kasabim ed Babilonia, ibasam ya andi-saew ed saray totoo iray amin a nisulat dia.

Jeremias 50:12

say bansa yo et napelag ed kababaingan tan kabandayan. Magmaliw a sankaabebaan a pasen so Babilonia ed amin da ray bansa; magmaliw ya amaga-maga tan anggapoy danum a kalawakan.