Jeremias 51:28 - Maung A Balita Biblia

²⁸ Iparaan yon mibakal ed Babilonia iray bansa. Awiten iray arari ed Medo, saray pangulo tan saray opisyal da, tan amin iray bansan walad leksab na pakaoley da.

Maung a Balita Biblia

²⁸ Iparaan yon mibakal ed Babilonia iray bansa. Awiten iray arari ed Medo, saray pangulo tan saray opisyal da, tan amin iray bansan walad leksab na pakaoley da.

Jeremias 51:28 Referans Kwoze

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Daniel 9:1

Nanoley ed nanarian na Babilonia si Dario a taga Media tan lakin anak nen Asuero.

Daniel 8:20

“Samay anengneng mon karniron kalakyan a duaray saklur to et say nanarian na Media tan Persia.

Daniel 6:8

Kanyan, Kagalang ya Ari, ipaakseb mo komun yan ganggan tan pirmaan mo, et magmaliw a sakey a ganggan na saray taga Media tan Persia, tan ag balut naoman.”

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 13:17

Say Katawan kuanto, “Sosogsogan kon ondogpad Babilonia iray taga Medes. Anggapoy walad sikara so pilak tan anggapoy liket dad balituk.

Ester 10:2

Nikorit ed saray panagsulatan da ray arari ed Persia tan Media iray amin a matalonggaring tan makapakelaw a ginagawa to tan say impangipasen tod kinen Mardokeo ed atagey a betang.

Ester 1:3

Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

1 Saray Awaran 1:5

Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.

Genesis 10:2

Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Jeremias 50:41

“Onsasabi ray totoon taga sakey a bansa ed baybay; sakey a bansan walad arawi; amayamay iray ararin mampaparaan a mibakal.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Daniel 6:1

Kinaliktan nen Dario so impanoro to na sanlasus tan duamplon gobirnador ed intiron impirio to.