Jeremias 51:19 - Maung A Balita Biblia

¹⁹ Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Maung a Balita Biblia

¹⁹ Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Jeremias 51:19 Referans Kwoze

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Saray Salmo 73:26

Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Saray Salmo 33:12

Maliket so bansa a say Dios to et say Katawan; maliket iray totoon pinili na Dios a kayaryan to!

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Saray Salmo 135:4

Pinili ton para sikaton dili si Jacob, saray totood Israel.

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 74:2

Nunot mo pa ray totoom ya abayag mo la ran pinili a kayaryan mo, saray totoon inagwat mod impakaaripen da, pian magmaliw iran dilin tribum. Nunot mo pay Palandey na Sion a nanayaman mo nen saman.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

Deuteronomio 32:9

balet pinili ton para sikaton dili iray kabyangay boleg nen Jacob.

Jeremias 10:12

Pinalsa na Katawan so dalin diad panamegley pakayari to; diad panamegley na kakabatan to pinalsa na Dios so mundo tan impanat toy katawenan.

Jeremias 33:2

Akisalitad siak so Katawan ya amalsa, anibokel, tan angilira ed mundo tan Yahweh so ngaran to. Inkuanto,

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.