Jeremias 51:18 - Maung A Balita Biblia

¹⁸ Andi-kakanaan ira kanyan nepeg day balawen; ompatey ira no onsabiy agew na panusay Katawan ed sikara.

Maung a Balita Biblia

¹⁸ Andi-kakanaan ira kanyan nepeg day balawen; ompatey ira no onsabiy agew na panusay Katawan ed sikara.

Jeremias 51:18 Referans Kwoze

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Jeremias 46:25

Say Katawan a Makapanyarin-amin a Dios na Israel kuanto, “Dusaen koy Amon a dios na Tebes, say Egipto a pati saray diriyos tan saray arari to. Alaen koy ari na Egipto tan amin da ray manmamatalek ed sikato.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Isaias 57:12

Abaloan yo a maung so gagawaen yo, balet iparontal koy kagagawa yo, et ag kayo natulongan na saray talintao yo.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Ezekiel 6:6

Naderal ya amin iray siudad na Israel, pian natemek-temek ya amin iray altar tan saray talintao ra, namisimisi iray altar dan panagpoolay insinso, tan naandipat ya amin iray ginagawa ra.