Jeremias 50:9 - Maung A Balita Biblia

⁹ Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Maung a Balita Biblia

⁹ Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Jeremias 50:9 Referans Kwoze

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Jeremias 50:26

Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Jeremias 50:21

Say Katawan kuantod Ciro, “Dogpaan mo ray taga Merataim tan Pecod. Patey mo ra tan deral mo ra. Sumpal mon amin iray ingganggan kod sika. Siak, say Katawan, so nansalita.

Jeremias 50:14

“Lalakin pumapana, mandarasig kayon mibakal ed Babilonia, insan yo lakoben. Ipalsut yo ray amin a pana yo ed Babilonia, ta nankasalanan ed siak a Katawan.

Jeremias 50:3

“Sakey a bansa ed baybay so sinmabi lan ondogpa ed Babilonia, tan pagmaliwen ton andi-kakanaan a pasen. Ibatikan na saray totoo tan saray ayayep, tan anggapoy manayam diman.”

Jeremias 15:14

Gawaen ko ran aripen na saray kalaban da diad dalin ya ag da kabat, lapud singa apoy so pasnuk ko tan ondalang ya anggad angga.”

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

2 Samuel 1:22

Nen saman makapatey so pana nen Jonatan, andi-panangasiy ispada nen Saul; saray nakena ran makapanyari natumba ra, tan saray nakena ran kalaban ompatey ira.

Kanta nen Solomon 3:8

Amin da et marunong iran mangikana na ispada; matalonggaring iran mibabakal. Akaawit so balang sakey ed sikara na ispada, sipaparaan iran mibakal anggan labiy idogpay kalaban.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”