Jeremias 50:42 - Maung A Balita Biblia

⁴² Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Maung a Balita Biblia

⁴² Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 50:42 Referans Kwoze

Isaias 5:30

No onsabi tan ya agew, singa kakasil na ungol na dayat so panungol dad Israel. Nengneng yo yan bansa! Kabilongetan tan kaermenan! Inakmun na bilonget so liwawa.

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Jeremias 50:14

“Lalakin pumapana, mandarasig kayon mibakal ed Babilonia, insan yo lakoben. Ipalsut yo ray amin a pana yo ed Babilonia, ta nankasalanan ed siak a Katawan.

Isaias 14:6

a diad gaway petang na olo ra et pinapairap da ray totoo tan ag iran balut tinmonda a nampapairap ed saray bansan adakep da.

Isaias 5:28

Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Saray Salmo 74:20

Nunot mo pay impisipanan mod sikami. Walay karuksaan a nagagawad amin ya ambilonget a sokung na dalin.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Jeremias 50:9

Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Ezekiel 26:3

“Natan sirin, saya so ibabagak, siak a Katawan a Dios: Siak so kalaban mo, sikan siudad na Tiro. Mangyakar ak na amayamay a bansan ondogpad sika, tan singa saray daluyon so isabi ra.

Joel 2:5

Diad panlulukso rad kapalandeyan, mapanaspas iran singa saray karwahi; masalanosut iran singa dikan napopoolan. Mandarasig iran singa amayamay a sondalon akaparaan a mibakal.