Jeremias 50:34 - Maung A Balita Biblia

³⁴ Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Maung a Balita Biblia

³⁴ Balet mabiskeg so mangyagel ed sikaraYahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.

Jeremias 50:34 Referans Kwoze

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Jeremias 51:36

Kanyan say Katawan kuantod saray taga Jerusalem, “Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Jeremias 15:21

Iyagel ta kad pakayari na saray maoges tan maruksan totoo. Siak, say Katawan, so nansalita.”

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Mikias 4:10

Yesyes tan ngesnges kayo, sikayon totood Jerusalem, a singa biin manaanak, ta nepeg a taynan yo natan so siudad tan manayam kayo ed maawang a kaumaan. Nepeg ya onla kayod Babilonia, balet iyagel to kayod man na Katawan ed saray kalaban yo.

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Probirbio 23:11

Say Katawan so makapanyarin manangyagel da, tan iyalagey toy kanepegan da sumpad sika.

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”

Jeremias 51:19

Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Say Libro nen Job 19:25

Balet amtak a walad tawen so sakey a manangyagel ko, onsabid kaonuran a mangyagel ed siak.

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Jeremias 31:11

Imbolus ko ray Israelita, tan inyagel ko rad makapanyarin bansa.

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Saray Tagleey 3:58

“Inyagel mo ak, Katawan, tan inlaban moy bilay ko.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

2 Saray Awaran 6:39

dengel mo pad satan iray pikakasi ra. Dengel mo pa rad ayaman mod tawen, kasian mo ra, tan pirdonam iray amin a kasalanan da.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 30:20

Ipawil kod gendat a pakayari so bansa ra, tan iletneg kon malmalet lamet; dusaen kon amin iray mamapairap ed sikara.

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.