Jeremias 50:31 - Maung A Balita Biblia

³¹ “Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

Maung a Balita Biblia

³¹ Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

Jeremias 50:31 Referans Kwoze

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Ezekiel 39:1

Say Katawan a Dios kuanto, “Sika a toon ompatey, mansalita ka na sumpad Gog a manonan manoley na saray bansa na Mesec tan Tubal, tan ibagam ed sikato a siak so kalaban to.

Nahum 3:5

Say Katawan a Makapanyarin-amin kuanto, “Dusaen ta ka, Ninive! Ekalan ta kay kawes tan ipanengneng ta kad saray bansa, et nanengneng day pakababaingan mo.

Ezekiel 38:3

tan ibagam ed sikato a siak a Katawan a Dios et kalaban to.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Jeremias 51:25

Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 48:29

Mapalalon mapaatagey so Moab! Nadngelan kon mapaatagey, ag mangitaltalek, tan malastug iray totood Moab. Atagtagey so panangipasen dad sikaran dili.

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.