Jeremias 50:26 - Maung A Balita Biblia

²⁶ Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Maung a Balita Biblia

²⁶ Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Jeremias 50:26 Referans Kwoze

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Jeremias 50:10

Nasamsaman so Babilonia, tan alaen day amin a labalabay da iray mansamsam. Siak, say Katawan, so nansalita.”

Isaias 45:3

Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

Puyan 14:19

Kanyan inwasiwas to may anghil so palot to tan aborbor iray ubas, insan to ra imbantak ed panagpespesan—say panagpespesan na baleg a pasnuk na Dios.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.

Jeremias 51:64

tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Jeremias 50:41

“Onsasabi ray totoon taga sakey a bansa ed baybay; sakey a bansan walad arawi; amayamay iray ararin mampaparaan a mibakal.

Jeremias 50:23

Minaso tan minekmek na Babilonia so intiron mundo, balet natan apoter la man a maso. Atalagnaw ya amin iray bansa lapud agawad Babilonia.

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Jeremias 50:13

Diad pasnuk ko anggapoy manayam ed Babilonia, ta magmaliw ya aderal-deral a siudad, tan natalagnaw tan nikelawan ya amin iray ondalan.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 5:26

Say Katawan sisinyasan to a tawagen so sakey a bansan walad bandad arawi. Ngingisiwan to ra pian ondago ran manlapud saray samput na mundo. Et natan nia la ra; masigsiglat tan mapanaspas ira.

Mateo 6:26

Imano yo pa ray manok ed tagey. Ag ira mantatanem, ni manaani, ni mantitipon ed kamalir na nakan. Anggaman ontan, papakanen iray Ama yon walad tawen. Ag kayo ta mamabli nen saray manok?