Jeremias 50:21 - Maung A Balita Biblia

²¹ Say Katawan kuantod Ciro, “Dogpaan mo ray taga Merataim tan Pecod. Patey mo ra tan deral mo ra. Sumpal mon amin iray ingganggan kod sika. Siak, say Katawan, so nansalita.

Maung a Balita Biblia

²¹ Say Katawan kuantod Ciro, Dogpaan mo ray taga Merataim tan Pecod. Patey mo ra tan deral mo ra. Sumpal mon amin iray ingganggan kod sika. Siak, say Katawan, so nansalita.

Jeremias 50:21 Referans Kwoze

Ezekiel 23:23

Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Jeremias 50:9

Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Jeremias 50:3

“Sakey a bansa ed baybay so sinmabi lan ondogpa ed Babilonia, tan pagmaliwen ton andi-kakanaan a pasen. Ibatikan na saray totoo tan saray ayayep, tan anggapoy manayam diman.”

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Isaias 48:14

“Mantitipon kayo, amin yo, tan dengel yo ak! Anggapod saray diriyos so makapangipasakbay a say toon pinilik et dogpaan toy Babilonia; sumpalen to so labay kon pagawad sikato.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

2 Saray Awaran 36:23

“Sikato ya so ganggan nen Ciro ya Impirador na Persia. Say Katawan a Dios na Tawen ginawa to ak a manoley ed intiron mundo tan ingganggan to ak a mamaalagey na sakey a timplo to diad Jerusalem na Juda. Amin yo sirin a totoo na Dios, pawil kayo lad Jerusalem. Mila komun ed sikayo so Katawan a Dios yo.”

2 Saray Arari 18:25

Abaloan yo amon ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

2 Samuel 16:11

Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

Isaias 48:15

Siak so nansalita tan anawag ed sikato; inwanwan ko tan impanpalabok.