Jeremias 50:14 - Maung A Balita Biblia

¹⁴ “Lalakin pumapana, mandarasig kayon mibakal ed Babilonia, insan yo lakoben. Ipalsut yo ray amin a pana yo ed Babilonia, ta nankasalanan ed siak a Katawan.

Maung a Balita Biblia

¹⁴ Lalakin pumapana, mandarasig kayon mibakal ed Babilonia, insan yo lakoben. Ipalsut yo ray amin a pana yo ed Babilonia, ta nankasalanan ed siak a Katawan.

Jeremias 50:14 Referans Kwoze

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.

Habacuc 2:8

Sinasamsaman yo ray totood amayamay a bansa, balet natan saray akapaliis ed patey et samsaman da kayo, lapud saray impanpapatey yo na totoo tan lapud inkaruksa yod saray totood mundo tan diad saray siudad to.

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 50:9

Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 51:2

Mangibaki ak na saray totoon taga arum a bansa a manderal ed Babilonia; a singa dagem a mangitikyab na taep ed arawi. No onsabi tan ya agew na panagderal, ondogpa ra manlapud amin a dapag tan taynan da ya anggapoy nakeraan so dalin.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Jeremias 49:35

Inkuanto, “Pateyen kon amin iray pumapana a ginawa ran makapanyarin maung so Elam.

Jeremias 46:9

Dagdag yo lan onla iray kabayo, tan pakurang yo la ray karwahi! Ibaki yo la ray sondalo: saray lalakin sankaawit da ray samper a taga Sudan tan Libia, saray marunong a pumapanan taga Lidia.’”

Isaias 13:4

Dengel yoy ingal ed kapalandeyan—say ingal da ray amayamay a totoo, say ingal da ray mantitipon a bansa tan nanarian. Ipaparaan na Katawan na saray Sondalo iray sondalo ton mibakal.

Isaias 5:28

Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

2 Samuel 10:9

Anengneng nen Joab a dogpaan ira na saray kalaban da ed arap tan diad beneg da, kanyan amili na saray sankamaungan a sondalo na Israel tan namparaan iran onarap ed saray taga Siria.

1 Samuel 17:20

Diad kaimbuas, asaksakbay a binmangon si David, impaasikaso tod sananey a too iray karniro, inala to may kakanen, tan linma la, onung na imbaga nen Jesse ed sikato. Nen sinmabid kampo, duga-rugan mandarasig lan mibakal iray Israelita tan maneeyag-eyag ira.

Jeremias 49:14

Inkuanko, “Edom, akaawat ak na balitan nanlapud Katawan. Angibaki na mangibawag ed saray bansa a tiponen da ray sondalo ra, ta mamparaan iran ondogpad sika.

Jeremias 51:3

Ag yo la iitdan na panaon iray sondalo na Babilonia a mamana odino mangisolung na saray armas da. Ag yo kakasian iray tobun-balon lalaki! Patey yoy amin a sondalo!