Jeremias 5:28 - Maung A Balita Biblia

²⁸ no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Maung a Balita Biblia

²⁸ no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Jeremias 5:28 Referans Kwoze

Zacarias 7:10

Ag yo papairapen iray balo, saray olila, saray sangkailin manaayam ed dalin yo, odino siopaman a walad pankaukolan. Tan ag kayo mannununot a manggaway maoges ed siopaman.’

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Saray Salmo 73:12

Ontan iray totoon maoges. Anta daakan lay walad sikara, mandakel lan mandakel niy kayaryan da.

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Jeremias 2:33

Andi-duaruwan amta yoy ontombuk ed manangaro. Makaaral ed sikayo so anggan say sankaogsan a bii.

Saray Salmo 119:70

Ag makatalus ira yan totoo, balet panliliketan koy ganggan mo.

Saray Salmo 72:4

Maptek komuy panintinsiay ari ed saray mairap-bilay; tulongan to komun iray walad pankaukolan, tan taloen to ray managpairap ed sikara.

Say Libro nen Job 12:6

Balet mambibilay ed kareenan iray matatakew tan saray anggapoy takot ed Dios, anggaman a say dios da labat et say dilin biskeg da.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Saray Salmo 73:4

Anggapoy ansakit a likliknaen da ra yan totoo; maksil tan mabiskeg so kalamanan da.

Probirbio 15:25

Deralen na Katawan so kaabungan na saray totoon mapaatagey, balet iyagel toy kayamanan na saray bibiin balo.