Jeremias 5:22 - Maung A Balita Biblia

²² Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Maung a Balita Biblia

²² Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 5:22 Referans Kwoze

Saray Salmo 104:9

Nanggawa kay ketegan ya ag dan balut nalabsanan, pian ag da la nasakuban so intiron mundo lamet.

Say Libro nen Job 26:10

Imbiig toy liwawa ed bilonget, diad panamegley na malimpek a gulis ed tapew na dayat.

Probirbio 8:29

tan ingganggan to ray danum na dayat ya ag ira onlabsan ed imbaga ton panganggaan da. Wadman ak la nen saray pundasion na mundo et inletneg to ra.

Saray Salmo 119:120

Lapud sika natatakot ak; lapud saray sintinsiam natatakot ak.

Deuteronomio 28:58

“No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,

Nahum 1:4

Igaganggan toy dayat et oneekat! Paeekaten to ray ilog! Namamagaan iray kaalogan na Basan, namamagaan so Palandey na Carmelo, tan nalalaylay iray rosas na Libano.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Marcos 4:39

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Amos 9:6

Say Katawan ipapaalagey tod katawenan so abung to, ililira tod tagey na mundo so tambubong na tawen Tatawagen toy danum ed dayat tan ikakalbo tod tapew na dalin. Say ngaran to et Yahweh!

Saray Salmo 99:1

Ari so Katawan, et manggiwgiw iray katoowan. Manyodyorung ed trono tod tagey da ray kirubin, et nayeyegyeg so dalin.

Saray Salmo 33:7

Impantitipon ton amin iray dayat ed saksakey a pasen; inyatul to ray kaaralman na dayat ed saray kuarton panagsinupan.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Genesis 1:9

Insan inkuan na Dios, “Natipon ed sakey a pasen so danum a walad silong na tawen, pian ompaway so amagan pasen”—et agawa.

Say Libro nen Job 38:8

Siopay angisara na saray puirta a manamper ed danum na dayat nen pinmaway a nanlapud dalem na dalin?

Saray Salmo 46:3

anggan unungol tan ondaluyon na ankakabaleg iray dayat, tan onggalaw iray kapokdulan lapud biskeg na saman a yegyeg.

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Amos 4:12

“Lapud saya sirin, totood Israel, sikayoy dusaen ko. Et lapud onyay gawaen ko, mamparaan kayo ed panintinsiak!”

1 Saray Arari 13:28

insan nankabayon linma. Nalmo to may bangkay na propitan abaktar ed dalan, tan manalalagey nid abay to ira may asno tan lion. Ag kinan na lion imay bangkay odino diniwit to may asno.

Say Libro nen Job 37:24

Ag sirin pankelawan ya ontakot ed sikato iray amin a totoo, tan saray palpaolyan to ray mankabatkabatan.

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Jonas 1:16

Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.