Jeremias 5:1 - Maung A Balita Biblia

¹ Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Maung a Balita Biblia

¹ Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Jeremias 5:1 Referans Kwoze

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Saray Salmo 14:3

Aliwa so nakar dan amin; nampapara ran maoges. Anggapod sikaray manggagaway kamaungan, anggapoy anggan sakey.

Probirbio 20:6

Sasalitaen na balang sakey no panoy inkatoor to, balet salim ya anapen no siopay tuan matoor!

Saray Salmo 12:1

Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

2 TESALONICA 2:10

Ikana to ray amin a klasiy maoges a pamalikdo ed saray totoon naderal; nilaban ira ya komun no inawat tan inaro ray katwaan.

Lucas 14:21

Pinmawil imay aripen tan imbaga to ra yan amin ed kinen amo to. Agaylay pasnuk to, tan inkuantod samay aripen to, ‘Lakad saray kalsada tan saray daladalan diad baley, tan itagar mo ra diay mairap-bilay, saray lopuy, saray bulag, tan saray piley!’

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Amos 8:12

Saray totoo et manakar ira a manlapud Inatey a Dayat ya anggad Dayat na Mediteraneo, insan ira manakar a manlapud baybay ya anggad bokig. Anapen da ed inerman a pasen so salitan manlapud Katawan, balet ag da narumog.

Joel 2:9

Maples iran ondodogpad siudad; luluksoen da ray padir; kakalaben da ray kaabungan tan ondadalan irad saray bintana a singa ra matakew.

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Kanta nen Solomon 3:2

Binmangon ak tan linma ak ed kaliber-liber na siudad, nanakar-akar ak ed saray dalan tan diad saray plasa. Inanap ko lan inanap so inarok, balet ag ko narumog.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Probirbio 8:3

Diad lolooban na siudad, diad abay da ray puirta maksil ya ontatawag:

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Jeremias 2:29

Antoy riklamom? Akin et sinumpa mo ak?

Jeremias 44:15

Insan amin da ray lalakin amta ran saray kaasawaan da et angibabagat irad saray arum a diriyos tan amin da ray bibiin manalalagey diman, pati saray Judion manaayam ed saray pasen a walad abalaten na Egipto—dakel iran amin ya olup—inkuandad siak,

Saray Salmo 14:2

Manlapud tawen oosdungan na Katawan iray katoowan, ta labay ton nengnengen no wala ra kasiy makalakal, no wala kasiy mangigagalang ed sikato.

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?

Jeremias 8:6

Tinmalineng ak a maung, balet aliwan katwaan iray sinalita yo. Anggapoy anggan sakey ed sikayon maermen ed kaogsan to; anggapoy anggan tinmepet, ‘Antoy ginawak a kaogsan?’ Balang sakey itutuloy toy dilin kabibilay to, singa sakey a kabayon maples ya ombabatik ya onlad bakal.

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Jeremias 9:7

Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.