Jeremias 49:5 - Maung A Balita Biblia

⁵ Pataktakot ta kayod saray walad kaliber-liber yo. Ontaynan kayon amin. Ombatik so balang sakey ed sikayo diad pangyagel tod bilay to, tan anggapo lad satan so manipon ed saray akabatik a sondalo.

Maung a Balita Biblia

⁵ Pataktakot ta kayod saray walad kaliber-liber yo. Ontaynan kayon amin. Ombatik so balang sakey ed sikayo diad pangyagel tod bilay to, tan anggapo lad satan so manipon ed saray akabatik a sondalo.

Jeremias 49:5 Referans Kwoze

Jeremias 49:29

Ala yo ray tulda ra tan saray karniro ra, saray kortina ra tan amin a bengatlan walad dalem na saray tulda ra. Ala yo ray kamilyo ra tan ikuanyod saray totoo, ‘Takot so walad kaliber-liber yo!’

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Amos 4:3

Gayugoyen da kayo ed sankaasinggeran ya abongaw a padir, insan da kayo ibantak ed paway.”

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Isaias 16:3

Kuandad saray totood Juda, “Ibaga yod sikamiy gawaen mi. Iyagel yo kami pa; magmaliw kayo pan singa kiew a mangilaknab na anino tod kapetapetangay agew tan pampainawa yo kami pad sirum yo. Ibabatikan mi ray kalaban; iyamut yo kami pad pasen ya ag da kami naalmo.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Saray Tagleey 4:15

“Arawi kayo!” eyag da ray totoo. “Marotak kayo! Ag yo kami didiwiten!” Kanyan nanakar-akar irad saray bansa, ta anggapoy malabay a mamatuloy ed sikara.

Jeremias 6:25

Ag kami la oonlad kaalogan odino manaakar ed saray dalan, lapud akaarmas iray kalaban mi tan makapataktakot so walad kaliber-liber mi.”