Jeremias 49:4 - Maung A Balita Biblia

⁴ Akin et mapaatagey kayo, sikayon aliwan matoor a totoo? Nanaandian kayo lay biskeg. Akin et manmamatalek kayod pakayari yon dili, tan ibabaga yon anggapoy ondogpad sikayo?

Maung a Balita Biblia

⁴ Akin et mapaatagey kayo, sikayon aliwan matoor a totoo? Nanaandian kayo lay biskeg. Akin et manmamatalek kayod pakayari yon dili, tan ibabaga yon anggapoy ondogpad sikayo?

Jeremias 49:4 Referans Kwoze

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Saray Salmo 49:6

saray totoon manmamatalek ed kayaryan da, tan ilalastug day dakel a kayamanan da.

Puyan 18:7

No kaonungay impanpasirayew tan impankasalanan to na inmoralidad, ontan met so iter yon irap tan ermen ed sikato. Ta naynay ton ibagad sikaton dili: ‘Riyna ak, aliwan balo, a manyod-yorung dia! Ag kon balut nasagmak so ermen!’

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Probirbio 10:15

Say mayaman a too iyaagel na kayamanan to; say toon mairap-bilay dederalen na kairapay bilay to.

Jeremias 31:22

Kapigan mangangga so panduaruwa yo, sikayon anggapoy pananisian totoo? Nanggawa ak na bengatlan balo tan nidoma, nidoma a singa sakey a bii ya iyaagel toy laki.”