Jeremias 49:27 - Maung A Balita Biblia

²⁷ Poolan ko ray padir na Damasco tan saray palasio nen Ari Ben-hadad. Siak say Katawan a Makapanyarin-amin, so nansalita.”

Maung a Balita Biblia

²⁷ Poolan ko ray padir na Damasco tan saray palasio nen Ari Ben-hadad. Siak say Katawan a Makapanyarin-amin, so nansalita.

Jeremias 49:27 Referans Kwoze

Jeremias 43:12

Poolan ko ray timplo na saray diriyos na Egipto tan say ari na Babilonia et poolan to ray diriyos da odino isempet to ra. Linisan na ari na Babilonia so Egipto, a singa panlinis na sakey a pastol ed kawes to diad pangekal tod saray lies na karniro, insan onsempet lan sipapalabo.

2 Saray Arari 13:5

Angibakiy Katawan na sakey a pangulo ed Israel a sikatoy angekal ed saray Israelita ed pakaoley na saray Siriano; kanyan nagmaliw a mareen so panagbilay da a singa nen saman.

2 Saray Arari 13:3

Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”