Jeremias 49:2 - Maung A Balita Biblia

² Balet onsabiy oras a parengelan ko na ingal na bakal iray totoo ed siudad na Rabba, tan nataynan ya aderal-deral tan apoolan iray bario to. Diad satan say Israel nabawi tod saray angala so dalin to.

Maung a Balita Biblia

² Balet onsabiy oras a parengelan ko na ingal na bakal iray totoo ed siudad na Rabba, tan nataynan ya aderal-deral tan apoolan iray bario to. Diad satan say Israel nabawi tod saray angala so dalin to.

Jeremias 49:2 Referans Kwoze

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Ezekiel 21:20

Say sakey a tanda ipanengneng tod ari so dalan a mamaarap ed Raba a siudad da ray Ammonita, tan say sakey ipanengneng toy dalan a mamaarap ed Juda, diad Jerusalem, say siudad ya aliber na padir.

Deuteronomio 3:11

Si Ari Og so kaonuran ed saray totoon Refaim. Say longun ton bato et ngalngali duaran mitro so benlag to tan limaran mitro so onduy to, onung ed panagsukat na karaklan. Nanengneng ni man a longun ed Raba a siudad da ray Ammonita.)

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

2 Samuel 11:1

Diad ontombuk a tiagew, say panaon ya ipapaway da ray ararin mibakal, imbaki nen David a mibakal si Joab, saray opisyal to, tan saray sondaloy Israel; tinalo da ray Ammonita tan nilooban day siudad na Rabba. Balet nanayam ed Jerusalem si David.

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Saray Salmo 97:8

Manggagayaga iray totood Sion, tan manliliket iray totood siudad na Juda lapud pananintinsiam, O Katawan.

Saray Salmo 48:11

panggayagam pa ray totood Sion! Matonung so pananintinsiam, wala komuy gayaga ed saray siudad na Juda.

Saray Bilang 21:25

Kanyan saray totood Israel adakep da ray amin a siudad na saray Amorreo, pati say Hesbon tan amin a kaliber-liber ton baley, insan da ra nanaayaman.

Obadias 1:19

“Saray totoon taga abalaten na Juda et kayaryanen dan panayaman so Edom; dakepen na saray taga sagur a manaayam ed alusadsar na kapokdulan so Filistia. Kayaryanen na saray Israelita so dalin na Efraim tan Samaria; kayaryanen na saray totoon kabyangay boleg nen Benjamin so Galaad.

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Josue 17:11

Diad loob na dalin di Isacar tan Aser, kayaryan nen Manases so Bet-sean tan Ibleam, a pati saray baley a kaliber-liber da, tan ontan met ed Dor (samay walad gilig na dayat), En-dor, Taanac, Megido, tan saray baley a kaliber-liber da.

Josue 17:16

Inmebat ira, “Say kapokdulan a pasen et kulang a para sikami, balet saray Cananeon manaayam ed saray patar et wala ray balatyang a karwahi ra, salanti saray manaayam ed Bet-sean, a pati saray baley ed kaliber-liber to tan saray manaayam ed Patar na Jezreel.”

Isaias 17:1

Sikato yay propisiya a nipaakar ed Damasco. Inkuan na Katawan, “Magmaliw ya aliwa lan siudad so Damasco; magmaliw labat lan bonbontun na deral-deral.

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.