Jeremias 48:36 - Maung A Balita Biblia

³⁶ “Singa ak toon manotogtog ed plauta na sakey a togtog a para tolur diad pannanangis kod Moab tan saray totood Kireres, ta naandi ya amin so kayaryan da.

Maung a Balita Biblia

³⁶ Singa ak toon manotogtog ed plauta na sakey a togtog a para tolur diad pannanangis kod Moab tan saray totood Kireres, ta naandi ya amin so kayaryan da.

Jeremias 48:36 Referans Kwoze

Isaias 15:7

Bebeltangen na saray totoo so Patar na Kiew a Sausi, ta ombatik iran sankaawit da ray amin a kayaryan da.

Isaias 16:11

Manoogaog ak ed ermen lapud agawad Moab tan Kir-hareset.

Isaias 15:5

Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Probirbio 18:11

Abaloan na saray mayaman a say kayamanan da so mangyaagel ed sikara, a singa say atagey tan mabiskeg a padir ya akaliber ed siudad.

Probirbio 13:22

Say maung a too walay kayamanan ton ipatawir ed saray apo to, balet say kayamanan na saray makasalanan onlad saray matonung.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

2 Saray Arari 3:25

tan dinederal da ray siudad da. Kapetek na saray Israelita ed balang mataban alog, tinutupak da na bato anggad atabunan ya amin iray kaalogan. Pinopoletan da ray sobul tan binabatang da ray kakiewan. Diad kaonuran, say manonan siudad na Kir Hares labat so atilak ya ag aderal. Niliktub na saray Israelita, insan dinogpaan da.

Jeremias 48:31

Kanyan nangisan kon amin iray taga Moab tan saray totood Kireres.