Jeremias 48:35 - Maung A Balita Biblia

³⁵ Patondaen ko ray taga Moab ed pangisasaklang dad saray bagat a popoolan diad saray pasen na panangigalangan da tan say pangibabagat dad saray diriyos da. Siak, say Katawan, so nansalita.

Maung a Balita Biblia

³⁵ Patondaen ko ray taga Moab ed pangisasaklang dad saray bagat a popoolan diad saray pasen na panangigalangan da tan say pangibabagat dad saray diriyos da. Siak, say Katawan, so nansalita.

Jeremias 48:35 Referans Kwoze

Isaias 16:12

Saray taga Moab pakekesawen day sikaran dili ed itatatdang dad saray santuariod tagey na pokdul tan diad saray timplo ra; mampipikasi rad man balet anggapoy nagunggona ra.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Saray Bilang 28:14

Say manepeg a bagat ya alak et duaran litron alak ya itekep ed kapag sakey a bakan kalakyan, sakey tan kapalduan litro ed kapag sakey a karniron kalakyan, tan sakey a litro ed kapag sakey a kordiro. Sikato ya so totontonen a para bagat a popoolan ya isaklang ed ononan agew na kapag bulan ed intiron taon.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.