Jeremias 47:2 - Maung A Balita Biblia

² Inkuanto: “Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Maung a Balita Biblia

² Inkuanto: Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Jeremias 47:2 Referans Kwoze

Jeremias 46:20

Singa balibalin baka so Egipto, a dinogpaan na sakey a kamontuk a nanlapud baybay.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Jeremias 1:14

Inkuantod siak, “Say deral a manlapud baybay et ondapod saray amin a manaayam diad sayan dalin,

Puyan 17:15

Inkuanto met ni may anghil ed siak, “Saramay anengneng mon danum a yoyorungan na samay bii et sikaray totoo, bansa, boleg, tan salita.

Puyan 17:1

Kasumpal to ya, dinmagod siak so sakey ed saramay pitoran anghil a sankaawit day pitoran yaung tan inkuanto, “Gala dia, ta ipanengneng kod sika no panoy kadusa na makapanyarin marotak a bii, a salanti say makapanyarin siudad a nipaalagey ed abay na amayamay ya ilog.

Santiago 5:1

Dengel yo ya, sikayon mamayaman! Nangisan tan panogaogan yoy kairapan ya onsabid sikayo!

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

1 CORINTO 10:26

Ta ibabagay Masanton Sulat, “Kayaryan na Katawan so mundo tan amin a logan to.”

Nahum 1:8

Say Katawan et singa baleg tan maples a delap a sigput ton dederalen iray kalaban to; ibabaki tod patey da iray onsusumlang ed sikato.

Daniel 11:22

Siopamay toon onsumlang ed sikato, anggan say Pangulon Pari, et napatey tan naandipat.

Jeremias 48:39

Abetag-betag lay Moab! Eyag kayo! Naplag lad kababaingan so Moab. Aderal la, tan luludlureyan na amin a kaliber-liber ton bansa. Siak, say Katawan, so nansalita.”

Jeremias 46:13

Akisalitay Katawan ed siak nen si Ari Nabucodonosor na Babilonia et pinmawil a dogpaan toy Egipto. Inkuanto,

Isaias 59:19

Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Isaias 28:17

Say inkatonung so mitro a panukat ed samay pundasion, tan say kaptekan so patawin to.” Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 22:1

Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Isaias 15:8

Narerengel so panakakis ed anggan iner a pasen ed saray ketegan na Moab. Narerengel ed saray baley na Eglaim tan Beer-elim.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Saray Salmo 98:7

Ungol ka, dayat, tan amin da ray pinalsan manaayam ed sika; mankanta ka, dalin, tan amin da ray manaayam ed sika!

Saray Salmo 96:11

Manliket kayo, sikayon dalin tan tawen! Ongul kan dayat tan amin a pinalsa a manaayam ed sika;

Saray Salmo 50:12

“No bilang naerasan ak ag ak mialad sikayoy kanen ko, ta kien koy mundo tan amin a logan to.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Jeremias 6:22

Say Katawan kuanto, “Onsasabin manlapud sakey a bansa ed baybay iray totoo; mampaparaan a mibakal so sakey a makapanyarin bansa a walad arawi.

Jeremias 46:12

Nadngelan na saray bansa so kababaingan yo; nadngelan na balang sakey so panaakis yo. Mampapateran iray sondalo kanyan natutumba ra.”

Jeremias 46:24

Nipasen ed kababaingan iray Egipsio; adakep ira na saray taga baybay. Siak, say Katawan, so nansalita.”