Jeremias 46:27 - Maung A Balita Biblia

²⁷ “Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Maung a Balita Biblia

²⁷ Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Jeremias 46:27 Referans Kwoze

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Jeremias 50:19

Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 44:1

Say Katawan kuanto, “Dengel ka natan, Israel, ya aripen ko, saray totoon pinilik, saray kabyangay boleg nen Jacob.

Jeremias 51:46

Ag yo pakakapoyey linawa yo odino ontatakot lapud saray dengel-dengel yon balita. Tinaon a doma so onkakayat a dengel-dengel a balita—saray balitan nipaakar ed panagduksa ed dalin tan saray nipaakar ed pibabakal na sakey ya ari ed kapara ton ari.

Ezekiel 16:53

Say Katawan kuantod Jerusalem, “Paaligwasen ko lamet so Sodoma tan saray bario to, say Samaria tan saray bario to. On, paaligwasen ta ka met.