Jeremias 46:22 - Maung A Balita Biblia

²² Ombabatik so Egipto tan singa oleg ya onaarawi, nen onaasingger iray sondalo na kalaban. Sankaawit day wasay iray dinmogpad sikato, a singa saray totoon mambabatang na kakiewan;

Maung a Balita Biblia

²² Ombabatik so Egipto tan singa oleg ya onaarawi, nen onaasingger iray sondalo na kalaban. Sankaawit day wasay iray dinmogpad sikato, a singa saray totoon mambabatang na kakiewan;

Jeremias 46:22 Referans Kwoze

Isaias 29:4

Say Jerusalem ed satan et magmaliw a singa anyani a pipiliten toy mansalita diad dalem na dalin, a singa sakey ya esaes a manlalapud dabuk.

Isaias 14:8

Saray kiew a saleng tan sidro ed Libano et manliket irad inkatalo na ari, lapud anggapo lay mambatang ed sikara, natan ta naandi lay ari na Babilonia!

Zacarias 11:2

Manakis tan managugol kayo, sikayon kiew a sipris— atumba la ray kiew a sidro; aderal la ra man a mapagalang a kiew! Akis tan managugol kayo, sikayon robli na Basan— abatang la ray makdel a takel!

Mikias 7:16

Nanengneng ya na saray bansa, et nalemay ira anggaman a mabisbiskeg ira. Diad kalemay da ikopit day sangi ra tan pepetan da ray layag da.

Mikias 1:8

Insan inkuanen Mikias, “Lapud saya manermen ak tan mantagleey ak. Diad pangipanengneng koy ermen ko, manakar-akar ak a labus-lakseb tan kasali-sali. Managugol ak a singa asod katakelan tan mandageyem ak a singa abistrus.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Isaias 10:15

Balet say Katawan kuanto, “Nayari kasin ipasirayew na wasay a matalonggaring ni nen say mangiwawasay ed sikato? Odino say ligari nen say mangililigarid sikato? Say bastun ag to lilibiten so too, no ag ingen say too so manlilibit ed bastun.”

Josue 9:21

Abuloyan yo ran mambilay, balet nepeg ya ikiewan tan iyasolan da itayo.” Sikatoya so imbaga na saramay pangulo.

Saray Salmo 74:5

Nengneng day totoon sankaegnaan da ray wasay a pamabatang day kakiewan.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 46:23

binabatang da ray kakiewan ed takel to. Ag nabilang iray totoo ra; dakel nen saray dorun iray sondalo ra.